Familiar bah?
Makita ni nimo matag branch sa ROSE PHARMACY, usa niini kay ang branch sa TITA GWAPA STORE, Punta Princesa. Ang ako ra gyud masulti kay ang ilang serbisyo ug ang ilang pag-alagad kanimo kay bati kaayo. Dugay kaayo ka ma-asikaso kay tungod mag istoryahanay pa bahin sa mga panghitabo sa ilang mga kinabuhi ug sa showbiz.
Apan okay ra unta na siya kung pas-pas unta ang ilang serbisyo, hinay pa gyud kaayo, mag paabot pa ka’g pila ka minutos aron makuha nimo ang imong gipalit nga tambal kay matanggong sa kahera kay lagi sige ug chikka.
Pero ang pinakagrabeh sa tanan kay igka ihap nimo sa imong sukli dili completo. Usahay makulangan sila ug 60 centavos sa ilang mga sukli, ambot lang pero kanang maong kantidara pwede na kaayo na ma puno-puno sa plite. Daghan na ang mireklamo sa maong parmasya apan wala gihapon sila mag usab.
Hinaot unta nga ang mga patron aning maong parmasya dili magpaka buta-bungol sa maong kahiwian nga ilang gibuhat. Kinahanglan nga mureklamo sila og nganong dili kompletohon ang sukli. Lisod na ang panahon karon, nga bisa’g makakita ka ug 25 centavos sa dalan angay na nimong puniton.
Your assurance of genuine drugs, apan dili assured kung kompleto ang imong sukli.
Pagka!
Tags: cebu city, Medicines, Pharmacy, Rose Pharmacy, tita gwapa
December 11th, 2008 at 3:09 pm
doh! Dili ra man cguro kana na Rose! Daghan na ayu in.ana sila!
Reply
clado Reply:
December 11th, 2008 at 11:43 pm
diay bah?
ako nya ni susihon
Reply
December 13th, 2008 at 3:26 am
tinuod jud kaayo ni ay..naa gyud pud ing-ani sa among lugar diri sa Davao. ani ba jud ang training sa atoang mga Pilipino labi na kon walay amo na magsupervise?
bantog guro hinay atong pag-uswag.:(
Reply