Hmm, naglibog gyud ko og unsaon nako pag-sugod og suwat bahin atong nahitabo miaging Sabado sa bukid sa Busay. Pero mura’g nagsugod naman ko. hahaha.

Pipila ka adlaw una pa ang campout nagka gubot na gyud sa Plurk, sa YM, ug sa CBS Forums kung si kinsa ang mu-uban sa maong kalihokan? hahaha. ang miconfirm gamay ra gyud tawn kaayo, mga unom o siyam lang. Naka huna-huna ko kung unsa ang buhaton kung mao lang na ang mutunga. Matud pa ni Vanjhnn nga kung dili man gani makaabot og napulo kay i-cancel gyud ang maong campout. Si Jorich pud kay nagka problema kay lagi naglibog siya kung mananghid na sa iyang Sup. nga mag CWS(Change Work Schedule) aron lang kaapil sa campout.

MONSTER<3MASTER

Mga alas-tres sa hapon miabot na ko sa SM aron igkita silang Jorich ug Mikyu. Sa akong pag-abot nakuyawan ko kay wala silang duha ug basi gibyaan nako nila. Sige ko SMS ni Jorich wala gihapon mitubag, ug sa dihang mitunga na’g kalit ang abat!(hahahaha) medyo nahuwasan ko sa akong kakulba. Ang kulot pud diay naabot na sa SM pero wala gyud tawn mu reply sa ako mga mensahe. Alas-kuatro na mi migikan padulong sa McDonalds, JY Square Discovery Mall. naks! kung hain kasamtangan nagtapok ang mga muuban sa campout.

JOE!

Sa dihang naabot na mi sa gikasabotan nga tapokanan ubay-ubay napud ang naabot ngadto. Hi..hello..beso-beso gamay..hahaha. Ug sa dihang may kano nga bungoton(apan mas taas pa ako ) ang miagi sa akoang atubangan ug nag yaw-yaw’g gibberish(bleh!) kay murag gi-ugom niya ang iyang mga pulong, ug sa dihang nangutana dala kasuko tingali to “are you having a party here?” ug inocenti ko’g pagtubag “no!”. Ambot og ngano to siya, nasamukan ba kaha? nasabaan? o ganahan lang mu enter!. Ga ayo nalang og padaplin si manoy nga sige’g ga tutuk sa among tapok. Eye to Eye ang show?

WELCOME TO FLIGHT J-PNY!

Medyo ngit-ngit ug nag inday-inday gikan sa pagbunok sa kusog na uwan sa dihang kami naka desidar na nga mubiya na sa lugar ug mupaingon na sa among kapaingnan. Mipara na mi og jeep apan murag naay kuwang. Ang among pinalanggang Tanom tua pa sa McDo kay nagpalit og Coke Float bisan paman sa kabugnaw sa panahon. Nagkaratil og dagan padulong sa among gitapokan, nag bit-bit sa coke float, wala intawn mi gi-binlan.

Sa sulod sa jeep grabeh ang kasadya. Mura’g pirs taym pa nakasakay sa jeep. Katawa diri pahiyom didto, piktyur diri piktyur didto, pero yuna pah…asa sila Guada, Tiborsho ug Zyza?!

SA PAG ABOT

Sa tinudanay lang…gutom na gyud to. Hahahaha!

Namahuway na ang mga tao gikan sa mubo nga biyahe, ang uban mura’g kaambakon na gyud sa pool. Ako, gitagamtam ko ang kabugnaw sa mao’ng dapit samtang nag-gakos sa kaugalingon ilawm sa mangit-ngit nga langit. Wala ang buwan, ang mga bituon gihabulan sa mabagang panganod sa kalangitan. Sa panglingi ko sa wala nakita ko ang sugbo: hayag, malinawn ug malamboon, mao akong pulong.

Ang pagkaon miabot na, si Vanjhnn ang nagdala….nahilom kay hab-hab taman’s ginahawa.

DUWA!

Taboo game, charades ug bit-bit lata?

Sa taboo game medyo dili pa kaayo aktibo ang mga tao kay puno pa ang tiyan ug lisod pa ilihok. Ang charades ang pinaka sadja sa tanan. Ang abi ko’g saging ni Miong, kay lagi mura gyud kapanit og saging Cornetto man diay, ang kang Atty. Ethel pud abi nako’g stepping sa bom tarat tarat!..hahaha..ssssshhhh.

Ang bit-bit lata…pero unper ang pikas team…nakig rematch kay napildi…mga baga’g pes! hahahaha!

JOKE! JOKE! JOKE!

Humana ang mga duwa, humana pud og bidyuki ang uban, nagkatapok na sa poolside samtang ang uban nagtampisaw pa. Seryoso na mga butang ang unang gipanghisgotan…ug miabot si Atty. Ethel. Tuara! Nagsugod na ang tanan’ng hinanggaw, linatagaw ug pasiaw. Ug sa dihang ang gatuo ko nga hilumon nga si Ryan misugod napud og pasiaw. “di ko musaba! di ko musaba!” di gyud ko makalimot ana nga linya.

Ang kagabhion napuno sa kasadja sa dihang si Mark hubogerns nah. Mura’g wala na sa maayong panimuot: mudako lang kalit ang tingog, mag yaw-yaw ug usahay libog.

Tungod sa kalingaw wala na mi makabantay sa oras…tungang gabie naman diay. Matuod gyud, pas-pas ang dagan sa oras kung ikaw malingaw ug walay gi huna-huna nga mga problema.

RELAX!

Humana sa pasiaw, ang nangaligo mihawas na sa pool. Kami nag kanta-kanta ang uban nag chikka samtang ang uban nangaluya og nangatulog nah. Ambot unsa na to nga orasa nga giduka na gyud ko og miligid sa ulohan nila Tianexx, Jorich ug Bryan. Sa ilang tiilang ngadto pud nangligid sila Ryan, Miong ug Mikyu.

Alas-kwatro mang tingali to sa kadlawn sa dihang nakamata ko sa makadiyot dihang nakadungug ko’g duha ka panagtigi sa hagok. Hahaha! di ko musaba! di ko musaba!

RISE AND SHINE!

Sa wa pa musaka ang adlaw mata na ang kadaghanan namo, apan adunay tulo nga wala gyud diay matulog. Sila si Aldwin, Vanjhnn ug Atty. Ethel nag istoryahanay taman’s ginhawa ug wala maka huna-huna’g tulog.

Presko kaayo ang tanan, dili kay mga bagong ligo kay tungod fresh pa tanan…ang muta, ang baho sa baba, ang kalkag nga buhok ug presko pa gikan sa pansayan.

Ang mga maniniyot sa grupo nanguha na’g hulagway sa nagsakang adlaw samtang kami nag andam na sa among pamahaw.

SUROY-SUROY SA BUSAY!

Pagkahuman sa among pamahaw aduna pay usa ka oras una pa muabot ang amoang gi-kasabot nga jeepney para mukuha namo. Mipahuway mi kadiyot ug nag andam para sa mataas nga baktas paingon sa gamayng kagubatan sa Jardin De Busay.

Kutas na ang paingon sa mao’ng dapit, bisan paman og dulhogon sa puro ang among gi-agian. Daghan ming nakita nga mga nagkadaiyang klasi sa langgam, buwak ug kahoy.

Pipila ka minutos ang milabay naka desidar na mi og balik. Nag huna-huna ko sa amo’ng gi-agian ganiha, ‘matay, kaingon ko’g kaya pa ba kaha ni nako. Hahaha! Grabeh! tungas to da max, kuyaw pud ikaw madakinas sa medyo lapokon ug batuhon nga dalan. Daghan na ang gipanghangak bisan paman wala pa katunga sa amo’ng gilakwan.

Sa pag-abot namo gikan sa baktas nag-ilis na ang uban kay daw mapugan na sa singot ang ilang mga sinina. Sakto pud ang pag-abot sa jeep nga mukuha namo.

ADIOS!

Ug sa dihang niabot na ang oras sa pagpanamilit?

Nag iyahay na og uli ang mga tao baon ang kalingaw ug ang pamaol sa kalawasan.

Salamat diay ni Vanjhnn ug sa iyang mga ginikanan sa pag host sa mao nga campout.

Sa sunod tuig puhon!

Photos here!

Maribago Bluwater Beach Resort

Summer napud og nindot iligo’g beach, salamat sa maribago bluewater beach resort

sa ilang maribago bluewater beach summer blowout para sa tanang Cebu bloggers.

Dugay-dugay napud ko wala makabalik aning lugara. Awahi nakong balik ani mga tuig 2003 pah, summer outing sa school sa akong inahan. Apan nalimot na ko sa akong gipang buhat atong panahona, medyo dugay-dugay napud to siya.

Murag nindot gyud i-adto balik kay matud pa sa akong iyaan lamian daw ang mga pagkaon

sa Allegro restaurant, magtubod gyud daw imong laway. Maguba napud ang diet aning kalakiha, lisod raba gyud i-kontrol sa pagkaon kung ang mga hinukad puro mga lamian.

Matud pa sah Maribago Bluewater Blog pwede pud daw ka mag scuba diving, snorkeling, boating,

billiard, table tennis, beach volleybal court and lif-sized chessboard ug clay tennis court.

Aduna pud day childrens playground, kiddie playroom, Amuma Spa, Jacuzzi(kalami), Sauna, Gym ug uban pa.

Di na ko kahuwat!

Salamat pud og dako sa www.pinoyworld.org

Ug andamon na nako akong two-piece…este…brip lang kaha?

Pagka!

photo credit: Maribago Bluewater Blog

Ang bakasyon maoy pinaka labing gipaabot sa mga estudyante, gawas sa mga mag summer class. Mao kini ang panahon sa tinglaag kuyug ang pamilya o dib a kaha ang barkada. Panahon kini sa mga batang gagmay aron magpalupad ug pagtugot sa ilang mga tabanog. Sa mga tiguwang, edaran ug saw a pa kasabot o di kadawat nga tiguwang na sila kay mao kini ang panahon sa ting uli sa ilang mga probinsya aron mamahuway bisag sa makadiyot lang.

Ug unsa ang bakasyon para nako?

Panahon kini sa gugma, oo, gugma, kay tungod matag bakasyon ra ako mubati ug gugma sa usa ka tao. Tulo ka tuig ang milabay adunay “J”, duha ka tuig ang milabay adunay “M”, sa miaging tuig nay “N”, ug karon tuiga adunay…ahem!…di lang nako ibutang nganhi kay masakpan nya ko.

Ug unsay nakabati?

Ang tanan bati, ug nganong bati? Kay tungo sila si “J”, “M”, “N” ug si “____” aduna nay nakatagiya, nay ganahan makatagiya ug ganahan sila nga lain ang managiya nila. Sakit man pamalandungun pero murag ako pirmi ang alaot. Ganahan unta nako sila sultihan, apand dili pwede isulti, naa nay naka una ug sulti, ug mahadlok ko musulti. Ambot lang ug ngano, pero nay pirmi mubira o mubabag nako nga wa ko mahibaw o nagpaka aron ingon ra ko nga nay mi babag ug mibira para di nako masulti.

Hinoon, dili lang nako pugson kay basin unya nga bati kayo ang resulta ug ika-sakit lang sa dughan kong “fragile” (atiiik!). Mao nga ako nalang himoon pirmi akon kaugalingon na mga “busy” sa usa ka butang arorn lang na makalimtan ang tanan, mapa gugma ba na siya o pampagana lang.

Unsa kaha akong buhaton karon bakasyona sah?
Maligo ug dagat?
Magtabanog kaha?
Mag hinulsul? Dili mani nako binuhatan…hehehe
Road trip with friends would be a great idea.
Sky diving? Naa man ko fear sa heights.. ;p
Hunting? Unsa man sad?
O paundayunan lang ang gugma?

Pagka!

PS. Ato-ato lang ni ha.