Dahong Laya » Sugbo

Kulilisi Sa Hari

clado — Wed, 19 Nov 2008 23:38:27 +0000

Usa ka pormal o seryoso nga dalit ngadto sa hingtungdan kansang pinangga mipanaw na sa laing kalibutan.

Indigay kini sa ka-abtik sa dila kasagaran garay nga kinutlo gikan sa “bibliya” o “codigo penal” litokon ni “belyako” ngadto ni “belyaka” uban sa pagsab-it ug panyo sa abaga o ulo sa gipili kini ginganlan ug “etsa pañuelo” kining tanan magasubay uban sa huni o laylay gikan sa mando sa hari kansang bala-od dili mabali, kini dili kabugal-bugalan kay ang dili motuman siya pagasilotan.

Source: Kinaiyang Sugbuanon Booklet

Kasal

clado — Wed, 19 Nov 2008 23:28:30 +0000

Usa ka halandumon o bulawanon nga higayon ang duruha ka kasingkasing mahi-usa sa altar sa kaminyo-on.

Duyog niini human sa simbahan mao ang dakong “piging” o “panagtipon” diin sugaton ang kinasal ug usa ka basong tubig, paimnon niini ug sudlayan sa buhok aron maangkon ang kabugnaw sa hunahuna. Bahigan ug banig, ddin ang duruha sayawan inubanan ug sab-it sa kwarta o salapi aron ang kalisod sa panimuyo dili matagamtaman, ug ang tanan mosora o sayaw sa huni sa “kuradang”

Source: Kinaiyang Sugbuanon Booklet

Pamalaye

clado — Wed, 19 Nov 2008 23:13:27 +0000

Usa ka pasundayag nga makita diin ang lalaki inubanan sa dakong tawo, kasagaran “abogado o alkalde” sa balangay, dala ang bino o gasa para sa tagbalay.

Dinhi ipadayag ang tanang tuyo sa kalalakinhan ngadto sa kababinhan. Lakip sa sabot sa usag-usa ang baka, baboy, o manok nga ihawon, ang “bugay” o “bahandi” nga pangayo-on, ang petsa, bulan, o adlaw sa kaminyo-on.