Sa pag ukay nako sa akong “kaban”, ako kining nakita, usa sa mga papel nga amung gi suwat-suwatan niadtong nag retreat kami sa bukid sa Mantalungon, Dalaguete. Wala na ko matingala sa ilang gipangsuwat kay lagi puro mga kamatuoran. Ambot lang kaha kung ang susama nga papel nila kay ila pang gitapigan. Maminyo o matigulang nalang ko dili gyud ni nako wagtangon nga papel aron makahinumdum ko sa akong ka batanon.

Kamu lang ang bahala kung mutuo mu sa gipangsuwat nila…hehehe

Pagka!

Posted by clado | 21 Comments »

Ang Batang Tambol usa ka documentary film bahin sa mga Badjao na mga bata uban sa ilang mga ginama na mga tambol, sa kadalanan sa Cebu City. Ang Batang Tambol mao kini nga dokumentaryo nga nakadaog sa The I-Witness Student Docu-Making contest sa GMA 7 Philippines.

Ang istorya sa Batang Tambol mahitungud kini sa mga batang Badjao nga mukapyot o usahay musulod man gani sa mga jeep aron duyugan ka nila sa ilang tambol nga ginama sa PVC Pipe ug mga lata, ug gibugkusan lamang kini ug goma(rubber). Kadaghanan ani’ng mga bataa kay sa Alaska, Mambaling namuyo, dapit ug duol lamang sa South Road Properties.

Ako mismo nakakita sa kung unsa ang kahimtang sa mga Badjao sa Alaska, Mambaling. Matag higayon na muagi ko sa maong lugar makalingi gyud ko sa ilang mga panimalay. Sa balay lang daan makita ug mabati gyud nimo ang kalisod, samot na kaha ang mga tao nga namuyo anan’g mga balaya.

Congratulations diay nilang Blaine Uy, Eunice Grace Cañeda, Fe Marie Dumaboc, John Earl Coronado, ug ni Athena Cabañero sa pagsakmit nila sa Grand Prize sa maong I-Witness Docu Contest. Mao ni sila ang mga tao luyo sa Batang Tambol

Mabuhi ka sugbuanon!

Batang Tambol Part 1

Batang Tambol Part 2

Posted by clado | 3 Comments »

Sayo sa buntag sa ako’ng pag check sa akoang mga mensahe sa ilang gitawag nga email, mao ni ang gisugat sa akong suod na higala’ng si Ervin. Sa akong pag-susi medyo katingalahan na ang maong imahe. Kani mao nga imahe nakuha diay duha na ka adlaw ang milabay.

Tutuki ang mga ambungan na mga lalaki, wala mo’y namatyagan ug nabantayan nga kahibulungan ug katingalahan?

Sa tinudanay lang, nakurat gyud ko ug nanlimbawt ako’ng mga balhibo sa pagsusi nako ani nga imahe. Medyo nakugang. Pero sigun pa sa ako’ng tiya nga nakatungha sa maong institusyon daghan gyud kunong mga makapanlimbawt na mga panghitabo ani nga tunghaan. Ug sama sab sa nahitabo sa akong manghud nga samtang nag klasi sila, dunay kalit mitingog usa ka lalaki. Ang tingog mura’g nag-gikan sa ilawm sa yuta; ug bugnaw kini.

Kun si kinsa man ninyo ang na suheto sa Photo Editing palihug lang unya ko ug susi kun kini gihimo lang alang sa pang-pahadlok sa mga tinunan sa maong tunghaan.

Kung wala gyud ninyo makita ang kadudahan ug maka panlimbawt ug balahibo ani nga imahe. Palihug lang ko ug pindot sa READ THE REST OF THIS ENTRY. Nganha ninyo makita ang medyo kurat nga kamatuoran nga dili ra kita ang nag-puyo aning kalibutana.

(more…)

Posted by clado | 12 Comments »