Kita mga tao susama lamang sa usa ka gabon nga mulabay lang ug mawala sa dayon. Mao na ang gisulti nga tanang tao naay utlanan o taning sa atong mga kinabuhi. Sa wala pa ta mahimugso aning kalibutana, naka hibaw na ang Ginoo kung kanusa ta kutob aning atong hinulaman nga kinabuhi niya.
Pero ngano manghilak man kung adunay mupanaw nga hinigugma sa kinabuhi? Sa akong pag-tanaw ug pag-obserba nila, dili sa tungod kay namatay ilang hinigugma mang hilak na sila, kung dili nga tungod mingawn sila sa ilang ginikanan, igsoon, silingan o higala. Dili hilak ang solusyon sa nahitabo kung dili ang pagdawat sa kung unsa ang nahitabo. Dili ta kapugong sa kabubuton sa ginoo, dili angay pugngan ug dili angay supakon. Tanang tao naa gyuy saktong panahon sa pagpahulay.
