Nganong kiwaw man?
Mao gyud kini ako'ng nabantayan sa mga batanon karon nga ngilohan musulti og Gihigugma Tika!. Tungod ba kay kinaraan nga kini sa pagsulti sa imong gibati sa usa ka tao o aduna nay daghan nga pamaagi sa pagsulti sa imong gibati diha sa tao nga imong gimahal?
Hinuon, di man sab sila kabasol sa ilang kaugalingon kay lagi ang henrasyon sa kabatanunan karon wala kaayo maanad sa pagsulti og Gihigugma Tika! kay ang gitudlo sa mga eskwelahan kay ang hubad ininglis na mao ang I Love You. Angay sab tingali nato nga basulon ang mga tunghaan sah?
Apan isip usa ka sugbuanon kahibaw unta 'ta musulti ug Gihigugma Tika! kay tungod ato kini og dili sinultihang langyaw.
Subo kaayo pamalandungon nga sa mga drama nalang sa radyo nato ni permaninteng madunggan.
Ikaw...oo, ikaw! maka-ako pa kaha ka sa pagsulti og Gihigugma Tika! sa tao nga imo'ng gihigugma?
Happy Valentines nalang!
Pagka!
