Tinuod ka?
Sa pag ukay nako sa akong "kaban", ako kining nakita, usa sa mga papel nga amung gi suwat-suwatan niadtong nag retreat kami sa bukid sa Mantalungon, Dalaguete. Wala na ko matingala sa ilang gipangsuwat kay lagi puro mga kamatuoran. Ambot lang kaha kung ang susama nga papel nila kay ila pang gitapigan. Maminyo o matigulang nalang ko dili gyud ni nako wagtangon nga papel aron makahinumdum ko sa akong ka batanon.
Kamu lang ang bahala kung mutuo mu sa gipangsuwat nila...hehehe
Pagka!
Batang Tambol!
Ang Batang Tambol usa ka documentary film bahin sa mga Badjao na mga bata uban sa ilang mga ginama na mga tambol, sa kadalanan sa Cebu City. Ang Batang Tambol mao kini nga dokumentaryo nga nakadaog sa The I-Witness Student Docu-Making contest sa GMA 7 Philippines.
Ang istorya sa Batang Tambol mahitungud kini sa mga batang Badjao nga mukapyot o usahay musulod man gani sa mga jeep aron duyugan ka nila sa ilang tambol nga ginama sa PVC Pipe ug mga lata, ug gibugkusan lamang kini ug goma(rubber). Kadaghanan ani'ng mga bataa kay sa Alaska, Mambaling namuyo, dapit ug duol lamang sa South Road Properties.
Ako mismo nakakita sa kung unsa ang kahimtang sa mga Badjao sa Alaska, Mambaling. Matag higayon na muagi ko sa maong lugar makalingi gyud ko sa ilang mga panimalay. Sa balay lang daan makita ug mabati gyud nimo ang kalisod, samot na kaha ang mga tao nga namuyo anan'g mga balaya.
Congratulations diay nilang Blaine Uy, Eunice Grace Cañeda, Fe Marie Dumaboc, John Earl Coronado, ug ni Athena Cabañero sa pagsakmit nila sa Grand Prize sa maong I-Witness Docu Contest. Mao ni sila ang mga tao luyo sa Batang Tambol
Mabuhi ka sugbuanon!
Kick-out?
Aduna akoy nabalitaan nga usa kuno ka estudyante nga gatungha sa usa ka ilado ug respetado na tunghaan diri sa sugbo na kick-out tungod kay nahipatik sa usa ka websayt ang iyang hubo nga hulagway. Nagpasalamat sab ko sa akong suod nga higala’ng si Tiborsho sa pag-pakita niya nako sa maong mga hulagway sa babae nga estudyante.
Unsa kaha ang nasulti sa ginikanan niya sah, sa iyang gipangbuhat nga dili tarong. Sa akong pag-susi, usa ni siya ka graduating student sa maong tunghaan. Pagkadako gyud nga usik na mu gradwar na unta apan na undang kay lagi nakita iyang hulagway na gahubo sa usa ka websayt. Dako kaayong usik kay hitsuraan raba kining maong babayhana ug dili halata nga makabuhat atong butanga.
Pero wala gyud ta kahibalo kung unsa ang luyo sa maong panghitabo. Basi tingali nga nanginahanglan ug nagkalisod sab siya sa pag-eskwela.
Hinoon, kung buot huna-hunaon, dghan man ug paagi aron makalingkawas sa kalisod. Pwede man mangita ug desente nga trabaho gawas sa pag-posing sa mga hubo nga websayt.
Pagka!
Scan Me
Follow
I Support
Recent Posts
- Thank You 2012
- Buhi Pa Ko
- Pupil Live [Full Set]
- Back to Bassic
- Loboc River Floating Restaurant Cruise – Bohol
Recent Comments
- Fred Yap on Cabulan Island
- Salmo on Cabulan Island
- lakbay philippines on Back to Bassic
- Nonoy on Back to Bassic
- kikit on Back to Bassic