Mga pasado alas-syete na sa gabie kami naabot ug gisugat kami ni Mr. Gaylord, ang ilang marketing manager.  Membero sab siya sa Sky Scrapers City nga forums.

Pipila ka minutos ang nilabay niabot sila si Mr. Jojo ug Honey Vergara, ang tagiya sa Balamban Liempo.

Nilingkod uban kanamo si Sir Jojo ug nag-hisgot bahin sa kung unsa ang sinugdanan sa mao nga negosyo.  Samtang si Ms. Honey nag asikaso sa mga tao ug sa mga giluto.

Ang Balamban Liempo diay kay inspired gikan sa pamaagi sa pagluto sa mga liempo didto sa Balamban ginamit ang mga lokal nga sagol.

We aim to open five stores by the end of 2009, 10 stores by 2010, with one dine-in resto to introduce more exciting unique dishes for Cebuanos.

Tilawan ta!

Sa pag-hukad pa lang sa Balamban Liempo di na ka maka pugong sa pag-tubod sa imong laway.  Ang kahumot sa liempo ug sa mga nagkadaiyang lamas nga gisagol.  Aduna pay panit nga daw sama sa lechon nga kagub-gub kun ingkiton.  Ang tambok nga maayo pagka luot.  Dili luod kung usapon ug dili bidli.  Dili pud siya “langsi” sama sa uban nga pagkaluto sama sa lechon nga mabahoan gyud nimo ang baho sa ad sa baboy. pffft!

Ang Balamban Liempo lami parisan og puso(hanging rice) ug ituslob sa natural nga suka gikan sa lubi.  Mas maayo pud kung suka nga pinakurat ang i-paris para sakto kaayo sa “contrast” ang lasa sa liempo.  Sakto pud kini pang pulutan sa mga tao nga mahilig sa inom.

Busog na!

Dihang nahuman na kami og kaon nakaingon ang akong mga kaubanan nga nindot ibalik og kaon sa Balamban Liempo.  Nadunggan pud nako si Laag Cebu nga ngadto daw niya ipahigayon ang iyang adlaw natawhan kay lamian na og medyo gaan pud sa bulsa.

Sa katong ganahan makatilaw sa mao nga liempo pwede ninyo sila i-contact.

Orders/Inquiries:

09226205921/09285022605/(032)4158592

Look for Mr. Jojo Vegara or Mr. Gaylord Tingzon