Kamatuoran
Pagkamingaw sa kamingaw.
Pagkalaay sa kalaay.
Pagkaguol sa kaguol.
Pagkangitngit sa kangit-ngit.
Pagkabugnaw sa katugnaw.
Tanang butang malabwan.
Tanang butang kahibulungan.
Tanang butang katingalahan.
Tanang butang hilakan.
Adunay panahon alang sa tanan.
Kilumkilom
Mawala ka man apan nahibaw ko nga ikaw mahibalik ra kay tungod mao da kini ang dagan sa atong panahon. Mubiya sa makadiyot apan ugma damlag nahibaw ‘ta nga ikaw magpakita ug mahikaplagan da pagusab.
Daghan ang mingawn kung ang imong gipakita nga kanindot way sama. Daw mura pud ka’g usa ka maanyag nga dalaga nga nagpasiplat sa bintana sa gamay’ng payag sa may eskina.
Ug kung mawala ka man hinaut nga ako di mo hikalimtan. Ako nga naghuwat sa imong kaanyag ug kapiskay. Hangtud sa hangtud ania ra ako nag handuraw ug nag nangandoy nga ikaw mulingkod tupad kanako sa akong lantay.
Balak – Harana
Duyog sa mabugnaw nga gabii, ang lalaki nagpakita sa iyang kakogi sa paggaray sa mga pulong nga gihan-ay tim-os ug tiunay para kang inday
Uban sa saloma sa gugma dinoyogan sa kablit sa iyang gitara, kinaiyang sugbuanon pukawon ta pina-agi sa ginganlag balak harana.
Source: Kinaiyang Sugbuanon Booklet
Scan Me
Follow
I Support
Recent Posts
- Hong Kong Disneyland Fireworks
- No To Mining in Philippines
- Visayas Blogging Summit 2011
- Krispy Kreme Cebu
- BesPren
Recent Comments
- Cristina Velez on Manuel “Maning” Velez
- jigs on BesPren
- Christina on BesPren
- McCoolot on BesPren
- kikit on BesPren