Ganiha’ng buntag misalmot ang Cebu Bloggers Society sa usa ka kalihokan US Embassy ngadto sa SM Cebu. Ang mao’ng kalihukan gitawag nila ug US Election Watch 2008. Nagkadaiyang mga personalidad ang akong nakita, sama nila ni Bobby Nalzaro , Rico Lucena, Marlon Bellita, Mayor Jonas, Rep. Raul Del Mar, Rep. Neressa Soon Ruiz uubp. Ug ang akoan’g gisigihan ug tanaw kay ang mga maniniyot nga nindot kaayo ug mga camera(hmmm…kanusa pa kaha ko makatagiya ug ingon ato na mga camera sah?).

Naa usab silang gipahigayon nga mock election kung diin ngadto ka mu botar kung si Obama ba imo o si Mccain. Grabeh ang pamaagi sa pag-botar sa mga tao sa Estados Unidos, layoooo ra kaayo ta kung buot huna-hunaon. Ngadto ra ko nahibaw nga naay tulog ka makina gamit sa pag-botar nimo. Ang isa kay touch-screen, ug ang duha wala na ko mahibaw…hehehe.

Alas dose dos sa udto(Philippine Standard Time) si Barack Obama ang gidiklara nga ika-44 nga Presidente sa Estadus Unidos ug ang pinaka una nga itom nga presidente. Daghan ang nag layat-layat ug daghan usab ang nanghilak sa kadaugan ni Obama, kadaghanan niini ang mga itom o negro nato na mga igsoon.

Pipila lamang ka minutos sa pagdiklara nga daug na si Obama, nihatag sa iyang speech si Mccain. Matud niya nga bisan wala man siya makdaug, andam gihapon siya nga mutabang ni Obama sa pagpalambo sa Estados Unidos. Ug milabay ang kinse minutos, si Obama nasab ang mihatag sa iyang speech sa pasalamat. Asuy ni Obama nga dili siya ang daug kung dili ang tanan na mga tao nga misalig kaniya.

Ang musunod mga ritrato nga akon’ng kuha sa US Election Watch nga gipahigayon sa SM Northwing Atrium. Ayaw lang unya mu ug katingala nga wala ko sa mga ritrato…natural, ang mga gwapo magpaluyo sa camera…hahahaha.

Ang mga smiling ug buotan nga tao’ng nag atiman namo sa registration \m/

CBS uban si Mayor Jonas Cortes

CBS uban si Bobby Nalzaro

CBS uban si Rep. Raul Del Mar

Si Agnes ra ang nagkaon ana tanan huh. ahahhaa

Lami ang ilang cheese \m/

Ug wala gyud nako na piktyuran nga nag atubang ang mga pikot