Sumilon Bluewater Island Resort

Sumilon Bluewater Island Resort

Sa buwan sa Mayo ako uban akong mga higala nga bloogers gi--imbita sa maribago bluewater cebu sa pagbisita ug pagsinati sa ilang magarbong pasilidad.  Nalipay kaayo ko kay lagi sa tuig 2003 pa ang ulahi nakong pagligo sa maribago bluewater beach resort.  Mura pud og sangko sa langit ang kalipay  nako kay lagi makabalik na gyud ko sa maong inila nga resort.

Sa pag suroy-suroy nako sa maong resort nabantayan nako nga dako na gyud kaayo ang kausaban, pang world class na kaayo ang dating sa mao nga resort.

Maribago Bluewater Video

Ug karon ania napud ang gipaabot sa tanan, sa makausab gi-imbitar napud kami apan dili na sa maribago bluewater beach resort kung dili adto napud sa sumilon bluewater island beach resort.

Ang sumilon island diay kay ngadto nahimutang sa habagatang bahin sa Cebu.  Medyo layo-layo gyud ni siya sa ciudad ug kinahanglan pa ka mutabok og dagat apan kung makatunob ka sa mao nga isla mawala ang imong kakapoy sa biyahe.  Tinaw ang kadagatan sa sumilon bluewater island resort, ang bas puti sab ug ang hangin limpyo kay tungod layo kini sa ciudad.

Alang sa mga pangutana pwede ninyo bisitahon ang sumilon bluewater blog.

Nagpasalamat nasab mi ni Sir Ruben of PINOYWORLD sa way puas nga pag-imbitar namo.

Photo credits: A.N. Banaynal