Dahong Laya kalaay | kalipay | kasakit | kaguol

Sa Pagbakhu!

Daghan ang rason nganong mubakho ang usa ka tao. Pwede tungod naguol, nasakitan, gimingaw ug uban pa.

Pero matud nila pwede sab daw ka magbakho tungod sa imong kalipay sa usa ka panghitabo sa imong kinabuhi. Sama sa mga tao nga nakadaug sa mga nagkadaiyang matang sa kompetisyon: lotto, paugnat sa kusog ug uban pa.

Ubay-ubay na pud atong nakitan nga mihilak atubangan sa kamera. Usa sa pinakasikat mao si Jun Lozada. Kato gung insikon nga tao nga iyang gibulgar ang anomaliya sa ZTE Broadband Project, uu, mao to siya. Tungod sa iyang paghilak kay misikat siya og pipila lang ka buwan hangtud nga natabunan sa isyo sa bugas

(mura'g nilikoy na ta..hihihihi)

Balik sa pagbakho...

Sa totoong buhay(aguy tagalog), kadaghan og di na maihap ang mga tao nga akong nakitan nagbakho, ang uban pa gani kay makuyapan. Mao na nga ako di gyud ganahan magbakho kay simbako uroy makuyapan ko, kadako baya nako'ng tao, basi'g maglisod sila og tabang.

Ang pagbakho dili angay ika-uwaw kay natural ra kaayo ni nga panghitabo isip usa ka tao nga dili manhid. Daghan sab baya mga tao nga hipokrito kaayo sa ilang mga emosyon.

Karon kahang umaabot adlaw sa kasing-kasing daghan ba kaha ang magbakho kay walay maka-date o makakuyog og laag anang maong "espesyal" daw nga adlaw?

Si Sir Jerry ug si Jorich naa ba kahay ka date?

Si Paul kay wala daw iya hinigugma naa man errand mao nga nangita daw siya'g proxy.

Sila Jacob, Ronald ug si Jigs wala nay problema kay mga minyo naman...hahaha

Ako kaha?

Pagka!