Dahong Laya kalaay | kalipay | kasakit | kaguol

Sa Hunahuna Lang

Nakahinumdom lang ako sa nahisgotan namu sa ako’ng suod nga higala.  Samtang nagtambay kami sa usa ka dapit, nga ang mga tao nagpakahubog sa ilang gi-inom nga nagkadaiyang matang nga kape, anaa kami nakita nga duha ka manag trato.  Daw nag-ginaksanay ug nag-ginunitay sa kamot daw mura’g wala nay mabatyagan nga kaugmaon, naka huna-huna kami nga pagkangilngig gyod diay aning gitawag nila nga gugma.

Kung huna-hunaon man gani nimo daghan ang nalipay, naghilak, nasakitan o di ba kaha namatay o nagpakamatay tungod aning gitawag nila nga gugma.  Apan unsa man gyod ang naa sa gugma nga ang mga tao nga nalambigit niini daw dili makaikyas sa “gahom” sa gugma (pagka igat).

Sa tunga-tunga nga bahin sa among tabi nakahinumdom ang akong higala sa nahitabo sa usa ka estudyante sa dihan mikunsulta kini sa iyan kaila nga Guidance Councilor.  Matud pa sa estudyante nga galibog siya og kung unsaon niya pagpakabuhi nga siya gibuwagan naman sa iyang gihigugma.  Unsa daw ang iyang angay buhaton nga ang iyang hinugugma mao da iyang inspirasyon sa matag adlaw niyang pagtungha sa eskwelahan.

Pagkakuyaw sa mga pulong nga gibuhian sa mao nga dalaga.  Apan segun sa ilang Guidance Councilor nga kung di siya mabuhi kung mawala kaniya ang iyang hinugugma nganong anaa paman siya sa iyang atubangan ug nangayo og giya kung unsa ang angay buhaton.  Ug kung dili man gani mahibalik kaniya ang iyang hinugugma kinahanglan ba nga mag magulanon nalang siya ug mag tagamtam sa kasakit tungod sa ilang pagbuwag.

Daw mura og napukaw ang estudyante ug nakasulti sa iyang kaugalingon nga unsaon nalang ang iyang mga damgo ug ang iyang mga ganahan nga makabot sa umaabot nga panahon kung magpaka apekto siya sa mao nga panghitabo.

Dili na kini bago nga sitwasyon sa mga tao nga ibutang ta’g napakyas sa gugma.  Imo’ng silingan, igsuon, higala o ikaw mismo naka suway na niini.  Tuod, dili lalim apan kung huna-hunaon og tarong kay maaninag nimo ang imong kaugalingon nga kusgan sa bisan og unsa pa nga panghitabo o trials nga muabot sa kinabuhi.  Gugma ang gihisgotan nato apan pwede ka makusgan og dili na mahadlok sa mga kalisod nga imong masugatan sa umaabot nga panahon kung kahibaw lang ka mag huna-huna og tarong ug dili mag binogo.

Ug sa kanang mag hikog, pagka usik nalang sa mga damgo sa imong ginikanan ug sa imong kaugalingon.

Pagka!

Be Sociable, Share!

•