Dahong Laya kalaay | kalipay | kasakit | kaguol

Mga Tagik

Amahan! [06.19.2011]

Sa mga maayo nga amahan;
Sa mga siaw nga amahan;
Sa mga badlungon nga amahan;
Sa mga nangandoy mga mahimong amahan;
Sa mga nalimot nga sila usa ka amahan;
Ug sa mga amahan nga puros kamagwangan ang anak.

Happy fathers day diha nimu noy!

*   *   *

Lumba [04.14.2011]

Ikaw naglakaw lang samtang ang uban mikaratil og dagan
Wala na ikaw mangutana ug kung ngano?, ug kung na-unsa?
Maklaro na sa ilang mga mata ug sa ilang mga lihok

Sa walay daghang pangutana, ikaw nagpadayon gihapon sa paglakaw

Daghan ang nagdala og diploma, hiramenta, awto ug uban pa
Aduna usab gasulob og traje de boda, gakugos og bata ug unsa pa diha
Apan sa ila da nga huna-huna kining tanan nimu nakita

Sa walay daghang pangutana, ikaw nagpadayon gihapon sa paglakaw

Sa wa mahilayo nasugatan nimu ang uban
Usa, duha, upat sila tanan
Naghilak, nagbakho, nag magulanon, way kaugmaon
Wala ma kuntento sa ilang nakab-ot nga mga damgo

Sa walay daghang pangutana, ikaw nagpadayon gihapon sa paglakaw

Ikaw mipahuway na sa may lantay sa may eskina samtang nagtanaw sa tanang milabay
Nahimuot nga nagkatawa, daw mura'g mga kabayo sa karera
Ang mga tao naglumba, nag tinukmuray ang usag-usa

Ug sa dihang ikaw nakapangutana: unsa man ang angay nga dalian ba?

*   *   *

Hambogero! [12.25.2010]

Bisan og unsa pa ‘kaw ka-maayo;

Bisan og unsa pa ‘kaw ka-pro;

Bisan og anaa na ka sa ibabao;

Ayaw intawn panghambog;

Timan-i nga ni-agi pud ka’g pagka noob.

*   *   *

Kamatuoran [12.10.2010]

Pagkamingaw sa kamingaw.

Pagkalaay sa kalaay.

Pagkaguol sa kaguol.

Pagkangitngit sa kangit-ngit.

Pagkabugnaw sa katugnaw.

Tanang butang malabwan.

Tanang butang kahibulungan.

Tanang butang katingalahan.

Tanang butang hilakan.

Adunay panahon alang sa tanan.

*   *   *

Kilumkilum [7.28.2010]

Mawala ka man apan nahibaw ko nga ikaw mahibalik ra kay tungod mao da kini ang dagan sa atong panahon. Mubiya sa makadiyot apan ugma damlag nahibaw ‘ta nga ikaw magpakita ug mahikaplagan da pagusab.

Daghan ang mingawn kung ang imong gipakita nga kanindot way sama. Daw mura pud ka’g usa ka maanyag nga dalaga nga nagpasiplat sa bintana sa gamay’ng payag sa may eskina.

Ug kung mawala ka man hinaut nga ako di mo hikalimtan. Ako nga naghuwat sa imong kaanyag ug kapiskay. Hangtud sa hangtud ania ra ako nag handuraw ug nag nangandoy nga ikaw mulingkod tupad kanako sa akong lantay.

*   *   *

Puhon [7.27.2010]

Kung wala gayud makabot ang gihandum
Kinahanglan ba kaha ako nga mag magulanon?
Di lalim pero kinahanglan pug-on
Ang mga luha sa aping padaganon

Bisan paman dili niya mabatyagan
Sa imong pagbakhu nanghinaot ka nga iyang madunggan
Apan pakyas da gihapon ang tanan
Kay siya anaa sa laing kiliran

Ugma damlag unta maulian
Ki'ng dughan nga samaran
Puhon makabot da ang tanan
Apan sa lain nga kiliran

*   *   *

Gibiyaan [6.18.2010]

Handumon ko nalang ang panahon nga ikaw ania sa akong kiliran
Ang imong pahumot nga dili mawala sa akong ginhawaan
Mga gakos nga dili gayud makalimtan
Nganong ikaw mipalayo man?

Sa panahon nga ako maginusara, dagway mo ang naa sa huna-huna
Sakit kaayo og dili nako makaya
Ang imong gibilin nga sakit
Nanghinaot nga ikaw mubalik pa

Wala nalang unta ka naminaw sa ilang mga hung-hung
Ang tanan dili ang kamatuoran
Gihigugma tika sa walay pag duha-duha
Intawn balik na.

Kung dili man gyud ikaw para kanako ug ako para kanimo
Nganong dili man tika makalimtan
Nganong ikaw pirmi naa sa akong alimpatakan
Ngano da ang pangutana sa adlaw nga tanan.

*   *   *

Basted! [6.07.2010]

Lahi ra gyud kung ikaw wala niya gihigumga
Lahi ra gyud bisag imo na gipakita kaniya
Lahi ra gyud ang adlaw kung di ka maka huna-huna
Maka huna-huna sa mga kasakit nga gidala

Lahi ra gyud bisag gipabuhagay na
Lahi ra gyud kay tingali'g wala gyuy pag-asa
Lahi ra gyud kung kalipay maangkon na
Maangkon man lang bisag sa makadiyot sa?

Comments (1) Trackbacks (0)
  1. “Lumba”

    unsa man ang angai jud nato nga dalian
    nga sa tinud anai dili mana lumba
    akong usa kah amiga ni ana nako
    nana kuno siya’y anak sa iya bang mga
    pulong kay malipayon kaau siya..
    apan ni kalit lang siya ug ingngon
    nga maipa wala siya nag dali
    kay wala niya nahimo ang iyang
    mga pangandoy sa kina buhi…

    Reply


Leave a comment

Trackbacks are disabled.