Dahong Laya

Patentero, bato-lata, dakop-dakop, langit-lupa, shatong, tsinelasay, tago-tago ug uban pang mga duwa’ng kinaraan. Subo kaayong pamalandungon nga panagsa nalang ta makakita nga duwaon sa mga bata. Sa una, kadtong bata pa ko, hilig kayo ko muduwa og shatong hasta bato-lata. Muduwa sab ko og tago-tago, hilabi na kung ang imong kadungan og tago kay ang oimong crush, pagkalami sa paminaw.

Kaning mga duwaa dili lang maghatag og lingaw sa usa ka bata, kung di usa sab ni siya ka ehersisyo. Sa mga pagtuon karon, ang mga bata nga ga-edad ug sais anyos pataas dili na nimo makita mag dagan-dagan sa gawas, kanunay lang nga ga-atubang ug ga tuplok sa ilang mga kompyuter. Ga sige lang ug lingkod, ug usahay man gani nganha na sa atubangan sa kompyuter makatulog.

Matod pa sa usa ka doctor, nga ang bata nga dili mag lihok-lihok ug walay ehersisyo kay posibleng masakit sa kasing-kasing.

Kani sa’ng teknolohiya sah, mao sab gyuy gahatag nato ug sakit. Sakit sa mata, sakit sa ulo kung sige ka lang ga-atubang sa telebisyon, celpon ug kompyuter, ug sakit sab sa bulsa kay dako na kayo ka nga mabayaran sa koryente.

Pero ang labaw nga pina ka importante sa tanan para nako, gawas sa panglawas ug dakong bayranan sa koryente, kay ang pag-balik sa mga kinaraang mga duwa. Panagsa nalang gyud ko makakita nga naay mag-duwa ug patentero ug di ko ganahan nga dili na makakita aning mga duwaa, ugma damlag. Naa na kini sa kultura sa Pilipinas, ug dili angay wagtangon ug hikalimtan. Sama ra sab nga atong gikalimtan ang mga dugo sa atong mga bayani nga nagbanaw ug nabubu sa atong yutang tabunon.

Hinaot nga mahibalik ning mga duwaa.

Tags: bato-lata, dakop-dakop, filipino games, langit-lupa, old filipino games, patentero, philippine games, shatong, tago-tago, traditional filipino games, traditional games, tsinelasay

17 Responses to “Mga Duwa’ng Kinaraan”

Leave a Reply