Dahong Laya kalaay | kalipay | kasakit | kaguol

Mga Dramatorgo sa Kadalanan

Nakabantay naman ang kadaghanan aning mga batanon nga musakay lang og kalit sa jeep nga dayong batbat nga daw sila dili pariha sa uban nga musakay og jeep ug dayon manulis o mag snatch og mga butang gikan sa mga pasajero. Human sa tanan nga daw “intro” sa usa ka drama ug sila isip mga dramatorgo, dayon mu-kanta sila sa ilang kaugalingong tagik na mga sonata. Ambot lang og ilaha ba gyud kaha to nga kaugalingong tagik kay mura’g nadunggan naman ko ni gikan sa sama nila nga musampa lang og kalit sa mga jeep.

Bisan si kinsa nga ma-taymingan aning mga tawhana, hilabi na ang mga babae nga pasajero, sa dihang musulod na ang mga “dramatorgo” mura og maguba ilang nawng sa kabaho ba kaha o kahadlok nga basi’g unya sila tulison aning mga tawhana. Mao nga ang uban mapugos nalang og hatag sa ilang sinsilyo aron nga munaog na ang mga batanon. Si kinsa man pud ang di muhatag kung mudala og kuhit mura man og namugos nga hatagan og sinsiltyo?

Kanusa kaha ni mawala sa atong palibot, kay gadala lang kini og kakulba sa mga tao sulod sa jeep. Di ba nga anaay balaod ang CITOM nga dili angay mag overloading ang usa ka sakyanan kay piligro kini Ug labaw sa tanan dili pwede nga anaay muangkas o mukapyot sa jeep kay kuyaw ma disgrasya? Ngano wala man ni nila gi-implimintar. Aw, basi’g gi-implimintar tuod apan tapulan sila mudakop aning mga tawhana?

Hain naman ang Anti-Mendicancy Law?

Kaning pagpangayo og bisag sinislyo man lang sulod sa jeep kay diba naka lapas na kini sa mao nga balaod? Pasabta kuno ko nganong ingon ani ni.

Di man ingon nga hakog ko nga tao apan kinahanglan ‘ta musunod sa mga balaod.
Kinahanglan nga magtambayayong ang CITOM u gang ahensya nga ga implimintar aning Anti-Mendicancy law aron sa paglikay sa mga panghitabo nga dili angay mahitabo.

Ate, kuya…ayaw laina inyong huna-huna. Igo ra ko nagpahungaw sa akong gibati.

Pagka!

Be Sociable, Share!

•