Erm..medyo awahi na ni nga post, pero okay lang ang memories naa man gihapon nagpabilin…naks!
Pipila ka semana ang milabay gi-imbita diay mi sa Maribago Bluewater Beach Resort para sa ilang summer blowout for bloggers. Mga hapon to sa sabado nag kita-kita ang mga membro sa cebu bloggers society sa usa ka mall kung diin maoy nasabotan sa grupo og sa PR sa mao nga resort. Naa sa mga twenty to thirty ka bloggers ang ni apil sa maong blowout. Tulo ka van sa resort amo nagamit atong adlawa, puno gyud.
Sa pag-abot sa resort gisugat dayon mi sa ilang uber smiling nga mga crew, gihatagan og lemonade dayon gi-kwentasan og kinason..hehehehe. Gi-tour dayon mi ni Ms. Yuson sa resort og gipakita kung unsa ang mga ila ika-dalit sa mga mubisita sa maong resort. Nindot ang pool hasta ang mga kuwarto, sakto kaayo kung naa moy plano sa imong hinigugma mag overnight sa maong resort.
Pagkahuman sa suroy-suroy nahinabi dayon sa grupo ang mga dagkong tao sa Maribago Bluewater Beach Resort. Dayon pagkahuman nangaligo dayon og ga enjoy sa night swimming ang akong mga kauban. Naa pud mga bukingan moments ato nga panahon, mga isyu nga namugna.
Nahuman na ang tanan sa ilang night swimming, ting kaon na usab. Lami gyud tuod ang mga pagkaon nga gipang hukad. Nagkdaiyang mga seafood. Ug kani lagi sa pagka ignoy nako, nangita ko og rice, sige ko’g pangukab sa mga gipangtabunan, ang rice diay kay giputos og dahon nga magtuo ka’g puto.
Samtang nangaon mi naay gipahigayon nga cultural show, mga nagkadaiyang sayaw sa lain-laing kultura sa pinoy ang gipakita sa maong mga mananayaw.
Lingaw gyud tuod ang maong summer blowout kay nka bonding na usab ang mga membro sa cebu bloggers society.
Pasalamat diay mi og dako sa mga tao luyo sa Maribago Bluewater Beach Resort ug ni Sir Ruben Licera of www.pinoyworld.org sa pag-imbitar nila sa mga bloggers sa pagpatilaw…naks…kung unsa ang feeling sulod sa usa ka ilad nga resort.
Sa sunod, puhon. hekekhek
Tags: cebu beaches, maribago bluewater, maribago bluewater beach resort
June 10th, 2009 at 4:18 am
hahaha…nagpabilin pjud bai ang memories!pero murag uwahi na kaau,hapit na ta muadtog sumilon…woohoooo!excted na kau ko ani!mag wild ko kung d ko paubanon!nyahahahaha
Reply