Dahong Laya kalaay | kalipay | kasakit | kaguol

Kilumkilom

Mawala ka man apan nahibaw ko nga ikaw mahibalik ra kay tungod mao da kini ang dagan sa atong panahon. Mubiya sa makadiyot apan ugma damlag nahibaw ‘ta nga ikaw magpakita ug mahikaplagan da pagusab.

Daghan ang mingawn kung ang imong gipakita nga kanindot way sama. Daw mura pud ka’g usa ka maanyag nga dalaga nga nagpasiplat sa bintana sa gamay’ng payag sa may eskina.

Ug kung mawala ka man hinaut nga ako di mo hikalimtan. Ako nga naghuwat sa imong kaanyag ug kapiskay. Hangtud sa hangtud ania ra ako nag handuraw ug nag nangandoy nga ikaw mulingkod tupad kanako sa akong lantay.