Dahong Laya kalaay | kalipay | kasakit | kaguol

31Mar/111

High School!

Nakahinumdum pa ba ka sa mga nahitabo nimu kaniadtong anaa pa ka sa High School?  Tuod, makamingaw siya kay tungod sa mga nagkadaiyang panghitabo sa mao nga mga katuigan.  Daghan ang namugna nga panaghigalaay ug mga nagka lain-laing matang nga away.  Naay mga sipat, anaa pud mga hilumon nga way laing buhat kung dili magpa hipi lang sa kilid.  Aduna pud mga nagkadaiyang musika nga gisawan sa matag panahon nga makapaipsot og mga electronic devices.  Kay lagi gi-bawal ang mga estudyante sa amoang tunghaan nga magdala og bisa’g unsa nga matang sa gadgets.

Dili lang kalipay ang pirmi nabati sa mao nga panahon sa pagkabatanon, aduna pud kini mga masuloban nga higayon.  Mga higala nga mibiya ug nanimpad sa lain nga lugar; mga lalis sa usag-usa nga mabaw gyud kaayo og rason; mga hila-hilak sa panahon sa retreat kay lagi di na kuno magka-kita ug mingawn sa mga panahon nga kami nag-uban; ug uban pa.

Makamingaw g’yud tuod ang High School years.  Bisan og si Sharon Cuneta gimingaw sa mao nga panahon.  Matud pa sa usa niya ka sonata “high school life oh my high school life, oh kay happy, kay saya.” Medyo magkatawa ko maminaw sa mao nga linya tungod kay happy na masaya pa.  Okra! Padayon ta.  Bisag ang mga nagmugna sa mga pambatanon nga salida sa Disney gibasi pud sa kapanahonan sa High School.

Ikaw, gimingaw ka ba sa panahon nga ikaw anaa pa sa High School?

 

I’ll Write You Letters
Makuz Cortez feat. Lui Castillo
OST: Senior Year

Comments (1) Trackbacks (0)
  1. hehe! ako kay wa gimingaw og High School…

    High School Life

    Reply


Leave a comment

No trackbacks yet.