Dahong Laya

Pipila nalang ka adlaw og adlaw na sa mga kasing-kasing.

Sakto ba ang hubad nako sa binisaya?  Mura man gud og walay direct nga hubad sa binisaya ang valentines day.

Balik ta, ang adlaw daw sa mga kasing-kasing mao daw ingon nila nga pinaka o mao gyud ang gipaabot, di lang sa mga magtiayon, kung di sa tanang mga nag hinigugmaay.  Mapa lalaki-babaye, lalaki-lalaki, babaye-babaye o unsa pa dihang nahimugso nga klase sa paresan, apan sa uban nga nag-inusara laman i-tratar lang kini nga usa ka ordinaryong adlaw.  Mas mupaabot ug maglipay pa siguro sila kung mag piyesta sa ilang baryo.

Ang valentines day (ka igat ba paminawn) mao pud ang panahon nga dako kaaayo ang halin sa mga mamaligyaay og buwak.  Hurot-hurot pud ang mga chocolates ug valentines card sa mga tindahan, ug labaw sa tanan fully booked o puna ang tanang hotel ug motel sa dakbayan.

Ngano ug unsa kahang hitaboa nga mapuno man kini?  Siguro tungod kay naay lubong, apan dili lubong sa patay kung dili lubong sa buhi.  Ug ang pangutana kay kung unsa kaha nga buhia ang ilang ilubong.

Daghan kaayo ang mga pangutanan apan nahibaw ko nga makatubag ang pipila ka nga mga tao niini.

Sa panahon kaha sa linubongay og buhi kay magpa tukar pud kaha sila og makapatindog sa balhibo nga sonata sama sa “Tonight I Celebrate My Love For You” o sa sonata ba kaha sa banda nga Econo 140 nga “Lawasnong Kalipay”?

Sa mga darohan; kawayanan; kalubihan; sagingan ug uban pang lugar nga medyo mangit-ngit ug awaaw nga dapit kay puno ba pud kaha?

Pagka!

Tags: valentines card, valentines day, valentines quotes

3 Responses to “Hapi Balentayms!”

Leave a Reply