Dahong Laya kalaay | kalipay | kasakit | kaguol

Cebu City Subway

Sa pipila ka tuig gikan sa pagtukod ug sa pipila ka mga isyu nga nasugatan, gi-ablihan na ang Cebu City Subway.  Gidungan kini sa Cebu Festival gabie nga didto gipahigayon sa Kawit Island sa may SRP.  Ambot lang og unsa to nga festival kay gisakyan man pud kini sa mga politiko.  Apan di usa ko maghisgot ana nga butang kay karon atong ipanghambog ang atoang Cebu City Subway.

Sa pag sulod namo sa subway medyo nakulbaan mi gamay kay tungod lagi mao pa ni ang pirmirong higayon nga muagi sa saman niini.  Apan sa di pa dugay sa pagsulod sa subway kay mura mi og na-ignorante ug medyo nalipay sa among nakita.  Wa gyud ta magdahom nga naay diay matukod nga sama niini nganhi sa Sugbo.

Apan adunay dako nga pangutana ang mga lumulupyo sa dakbayan sa Sugbo.  Si kinsa man ang nagpasiugda o ang nagplano sa pagtukod sa Cebu City Subway o di ba kaha sa South Road Properties?  Si Tomas Osmeña ba o si kanhi Mayor sa Sugbo nga si Alvin Garcia?  Di nalang ko moukay pa kung si kinsa gyud nilang duha kung di magpasalamat nalang ko kay naka huna-huna sila sa pag patukod niini alang sa mga Cebuano.

Sa pag byahe namo sulod sa Cebu City Subway nakapangutana kami og kung aduna ba kini nka-install nga mga camera inkaso kung adunay maaksidente o maabirya sa sulod.  Amo lang nabantayan nga adunay mga tao nga ga-lingkod sa island sa subway nga daw nagbantay o di ba kaha trabahante lang kato nga nagpahuway - wa ta mahibaw.

Video:

Postscript: I don't own the video