Dahong Laya

Gahapon gi-takda ang pag panghatag na sa amo’ng “uniform” sa umaabot nga event karon’g hapon. Apan sa wala damha naulahi ko pag-abot(kani laging masangit ‘ta sa trapik sa may eskina Mambaling ug SRP kay walay nag-barog nga CITOM). Ang gisabutan nga oras sa pag-tigom ug pag-panghatag sa amo’ng sinina kay alas-sais sa hapon, apan naabot na gyud ko ug alas-syete y media sa gabie. Wala gyud nako makuha ang akong sinina. Ug nagpasalamat sab diay ko nilang Kevin, Sir Jerry, ug Atty. Ouano nga nag paabot gyud nako.

Nilabay ang pipila ka minuto ug gigutom na ang mga “buotan”. Nang-hagad na ug kaon si Atty., medyo gikulbaan ko kay ang ako’ng sapi sakto ra pang plite ug pang pungko-pungko. Maayo nalang ug gi-treat mi ni Atty. Ouano ug ni Sir Jerry sa Abuhan Tres(Salamat sa pakals ).

Waiter: Good evening sir, unsa atoang order?

Buotan 1: Uhm, pila ni inyong Garlic Rice…kanang platter?

Waiter: Uhm…255 sir.

Maldito: (kamahal ba diay sa inahosan nga bugas).

Buotan 1: Unswah!? 255?!

Waiter: Aw, dili diay sir…tag kuan diay… (gigutom nasab tingali )

Buotan 1: Ah, sige, isa ka order anah, pochero, ug bicol express.

Waiter: Unsa inyong softdrink sir?

Buotan 1: Uhm, coke lang. Tag pila?

Waiter: Tag 45 ang can.

Buotan 1: Unswah?!

Maldito : (Kamahal naman diay sa de-lata karon)

Buotan 1: Sige, hatagi mi ug upat.

Sa wala pa maabot ang gi-order sa mga “buotan” nag tanaw-tanaw ko sa gawas kay lagi daghan man daw ungo ato nga lugar. Sakto gyud ang ako nadunggan ug nabasahan, daghan gyud tuod mga ungo ato’ng lugara. Ang uban nanigarilyo, pero ang kadaghanan kay nangape. Naa sab daghan nag dit²(date).

Ug naabot na ang pagkaon!

Pagkalami gyud sa bicol express oi!

Halang-halang nga tamis nga ambot lang! (di ba kaha ta almuranason ani sah?).

Samtang nagkaon hangtud nahuman nalang ug kaon, dghan kaayong mga butang ang gipang hisgutan. Ang ako’ng pinaka ganahan kay ang plano nga negosyo ni Atty. Ouano. Ang iyang mga target kay ang mga tigulang nga hapon (Japanese). Nindot ug package ang maong plano nga negosyo. Di lang nako isulat ang tanang detalye sa panag tabi kay lisod nah, basin sundon unya sa mga nangita ug nag-plano kun unsa ang nindot i-negosyo. (Budget: 100 Million)

Ug dili lang kana ang amoang gihisgutan, dghan kaayo na mga butang ang amo’ng gituki.

DIi lang sab nako i-detalye kay basi’g lisod nah…hahahaha

PS. Bring back HIMANTAYON

Adunay bagong kamanduan ang LTO – Cebu sa atong mga kaigsuonang nanagiya ug motorsiklo. Kini ang pag-sulob sa Helmet, Jacket, Shoes(leather), Gloves, ug Pants; sa dili pag-usab sa mga pisa sa motor; ug dapat usa ra ang muangkas.

Apan daghan sa mga drayber mi tutul sa maong kamanduan, kay lagi kuno wala ta sa Amerika. Tiaw mu nah, kung mupalit ka ug sardinas sa eskina mag jacket, helmet, sapatos, gloves, ug mag pantalon pa ka kay kun dili, dakpon ka!. Ug unsaon nalang kun kuyugon nimo imong anak ug asawa, kinsa man ang ibilin? Dghan kaayong mga pangutana ang mitumaw sa pagpatuman sa maong kamanduan.

Kung buot huna-hunaon sayon ra ni tumanon apan, naay dako’ng apan, dapat unta ang mga nagtrabaho sa mga agencia sa gobyerno maoy mu una ug mag silbi na ehemplo sa maong kamanduan. Kalain sab anang attire na kaayo ka sa pag sakay sa motor unya ang mga pulis ug citom wala mag attire. Mura sab ka ug gisagpa ana oi, ang mga nagpatuman sa kamanduan wala man gani musunod sa kamanduan.

Ug unsa man gyud ang isyu? Kaning mga CITOM mikalit lang ug pang-dakop bisan wala pa gyud hingpit gipatuman ang kamanduan ug ang agencia na mu check sa mga motorsiklo kun Road Worthy bah ang maong motorsiklo. Wala gyud intawn gipangandaman, gdiretso ra ug patuman.

Unsa pug kaha ni ilang plano sah, basi ug sa sunod mag barong na ang mga drayber sa motorsiklo.

Tiaw mu na mag-barong mupalit ug sardinas sa eskina!

pagka!

Sa akong pagtuki sa akong PR (Page Rank) kaganihang buntag, akong nabatyagan nga ang akong PR na botlog(zero) nah. Ambot ngano naingon ani ni siya, ug ngano naa may gitawag nga PR.

Ang PR mao ni timailhan na ang imong blog/website naka cache sa google. Ang pamaagi ani kay mukamang ang gitawag ug robot/bot sa google sa imong payag. Kung taas imo PR pasabot anah kay medyo sikat² imo blog/website?

Ambot lang aning PR oi, hinoon dili ko hangul ani pana usa sab ni sa gahatag ug garbo sa imong payag. Hambugero diay ko? Pero karon dili na nako ipanghambug ako’ng PR kay tungod gihigop na kini ni daddy google.

Daddy Google, relax lang!

Pagka!

SIGARILYO is DANGEROUS to your HEALTH!

Ambot ug ngano nga daghan man gihapon kaayo ang manigarilyo, kadaghanan baya kay mga batanon. Sa gawas sa skwelahan, sa mga bar, ug sa mga eskina. Anaa sab gani na sa ilang kaugalingon’ng tugkaran kay manigarilyo gihapon. Ang mga ginikanan mismo wala ug dili sab makabadlong kay lagi sila sab utro pud na manigarilyo.

Unsa kahay lingaw anang manigarilyo sah?

Read more…

Asa na kaha si Lozada?

Mura ug natabunan naman sa isyu sa bugas, dayon ang bugas natabunan sa isyu sa way hunong na pag-taas sa presyo sa gasoline ug crudo. Pero ang pangutana kay asa na nahimutang si Lozada karon. Naa na kaha sa Estados Unidos ug nagpahiluna? Apan asa man sab siya kuha ug pamasahe kung siya mismo nagsulti nga wala siyay kwarta ug usa lamang ka “probinsyanong insik”.

Ako mismo nagduda na sa iyang mga aktibidadis kadtong panahon nga init kaayo ang ZTE scandal. Sa iyang pag suroy-suroy sa nagkadaiyang eskwelahan, kung buot huna-hunaon, dako to ug gasto sa pamasahe lang daan ug wala pay labot ang pagpundo sa mga hotel. Ambot lang ha, pero para sa ako si Lozada kay susama lamang sa usa ka artista nga sikat karon ug kalit lang mahanaw.

Pero ang dakong pangutana, nganong mitakom naman si Lozada sa mga isyu bahin sa ZTE. Wala na tingali siyay mga “sponsor”. Ang mga madre ug pare nga nagasuporta niya, hurot na tingali ang ilang nakolekta sa misa aron makapa suroy-suroy ni Lozada. Si JDV usab, basi nahurot na gyud ug kahurot ang buhok sa ulo tungod sa pag-hinuktuk ug pag-huna-huna nga ipadayon ang iyang nasugdan. Si FG, sige pa ba kaha ug gawas-sulod sa nasud aron magpatambal?

Hahay pagkapaet!

Ang mga pumapanot gyud ang nagdala ug gubot.

Pagka!