Dahong Laya » yaw-yaw

Politiko El Maro!

clado — Fri, 21 May 2010 11:46:20 +0000

Kinahanglan ba gyud nga pakauwawan ang usag-usa? Kay mura og mao na ang gibuhat sa ubang politiko nato dinhi sa Sugbo.

Pipila ka adlaw una pa ang eleksyon kay adunay gipahigayon nga aktibidadis sa may Cebu South Road Properties nga gihinganlan og Cebu Fest. Daghang mga kalingawan ang Makita sa SRP sa mao nga mga adlaw. Apan sa ulahi na nga adlaw sa Cebu Fest kay nganong nasagulan na kini og politika.

Sa sugod palang, saw ala pa kini sugdi, daghan na ang nakapangutana og kung nganong kinahanglan paman itunong ang mao nga kalihokan pipila ka adlaw una mag eleksyon. Ingon ang uban nga basi og naa kini sagol politika. Ug wala gyud sila masayop kay kini nasagulang gyud.

Gabie sa ulahing adlaw sa mao nga Cebu Fest kay nagtapok ang usa ka grupo sa mga politiko didto sa SRP ug sila daw mura og nag meeting de avance. Lisod kayo isulod sa SRP hilabi na kung magdala ka og sakyanan. Daghan kaayong mga sumusunod sa mao nga grupo sa politiko nga gituyo gyud pagkuha sa ilang mga tugkaran gamit ang mga buses nga wala nila gipanagiya kung dili gipanagiya sa gobyerno.

Gipangbayaran kaha ni sila aron sa pagtunga?

Wala gyud ta mahibaw kung unsa ang luyo sa pagdugok sa mga tao nga misuporta nila. Sila ray nahibaw sa mga magic nga ilang gihimo sa mao nga adlaw.

Ako mismo walay gidapigan sa mga kandidato pero sa pagpangampanya sa ingon nga paagi kay mura’g dili man gyud mao.

Pagka!

Kasub-anan

clado — Tue, 04 May 2010 16:21:05 +0000

Ug asa man gyud paingon ang walay kapaingnan, kung pakyas ka lang pirmi. Wa gyud ta mahibaw ug unsaon nato pagkahibaw kung mao lang pirmaninti natong masugatan: ang kapakyasan. Makapangutana ta unsaon pag likay apan murag lisod gyug malikayan kung mao na ang naka takda para kanato.

Lisod man pamalandungon apan angay nalang dawaton ug ihilak nalang sa tago aron walay maangol sa mga panghitabo sa kaugalingon. Itago nalang ug itago luyo sa atong mga katawa ang mga nasugatan nga problema o unsa ba diha. Ikatawa nalang sa taman; dadon ang kaugalingon sa bisan asa; hatagan og pahalipay ang kaugalingon ug ikatulog. Apan, kung sa pagpagdulong sa pagkatulog mahinumduman nimo ang tanan nga nahiaguman sa mga minuto, oras adlaw, buwan o tuig nga nilabay, malikayan pa ba kaha? Malikayan pa ba kaha ang pagdagayday sa mga luha sa imong aping nga naghandum sab nga mabati ang kahamis sa iyang aping.

Usahay makaingon ta nga mura’g kapoy na apan anaa gihapoy nag aghat sa kaugalingon nga dili mu tahan. Kay basi ugma damlag anaay nagahuwat nga maanindot nga butang og panghitabo nga wala ta mahibaw kung unsa.

Kandidato Naturiring?

clado — Thu, 29 Apr 2010 11:46:43 +0000

Pipila nalang ka adlaw og hapit na ang adlaw sa piniliay. Ubay-ubay na atong mga nakitan nga mga poster sa mga kadalanan; mga ribbons; mga tarps ug mga flyers. Ang naka walay ayo kay ang mga maayong tao nga gisugo pagpamutang sa mao nga mga ribbons og posters nagpataka lang og papilit ug higot.

Wala ba sila mahibaw nga unsa kahugaw lantawn sa ilang gipang buhat?

Apan dili na mao akong ipabuhagay. Karon kay hapit naman gyud ang eleksyon, anaa naba moy napilian nga kandidato sa pagka presidente nga inyong botaran karon umaabot nga adlaw sa piniliay? Ako kay anaa na apan di lang nako ipatik nganhi kay naa pud raba mga tao nga turiring nga mupataka lang og putak ang baba, bisag wala pa huna-hunaa og tarong mag yaw-yaw dayon.

Mura rapud atong usa ka kandidato nga magpapili pagka presidente nga ingon siya kung dili siya makadaog karong eleksyon kay pasabot ana gitikasan siya. Kay lagi sa iyang pag tuo siya na gyud lagi ang makadaog. Matud pa sa akong suod nga higala, naturiring na gyud kuno ni siya. Uyon ko sa iyang gi-sulti, kay ngano mag ingon ana man siya. Makabasa ba siya sa huna-huna sa mga tao nga nagpalibot niya?

Wala gani ta mahibaw nga ang maong mga tao nga misuporta niya sa kampanya kay mukalit lang og balitok og dili mubotar niya.

Ambot lang ug ngano mutukar man gyud ang pagka turiring sa mga tao sa panahon sa eleksyon.

Pagka!