Kung kabantay mu sa mga bagong mall/tindahan/store,ambot unsa gyud ang tawag ana nila, numero na ang pangalan.  Naay bagong abli sa may colon, ang kanhi Fairmart Store karon kay 138 nah.  Ang Rustans sa una sa may Mango Avenue karon kay 868 nah.

868

Kung kabantay mu naa gyuy ‘otso’ sa ilang mga pangalan.  Swerti ba gyud kaha nah?  Ngano’ng numero man gyud ang ipangalan, wala na gyuy laing mahuna-hunaan? o mao na gyud na ang uso karon?

138

Sa Manila, sa may Divisoria, naa sab sila 168. Numero na gyud tingali ang uso sah.

168 Divisoria

168 photos by: clickthecity.com

Hmmm, unsa kaha ang musunod sah.

143?

14344?

35254?

o diba kaha 666?

Pagka!

Posted by clado | 12 Comments »

Familiar bah?

Makita ni nimo matag branch sa ROSE PHARMACY, usa niini kay ang branch sa TITA GWAPA STORE, Punta Princesa.  Ang ako ra gyud masulti kay ang ilang serbisyo ug ang ilang pag-alagad kanimo kay bati kaayo.  Dugay kaayo ka ma-asikaso kay tungod mag istoryahanay pa bahin sa mga panghitabo sa ilang mga kinabuhi ug sa showbiz. 

 Apan okay ra unta na siya kung pas-pas unta ang ilang serbisyo, hinay pa gyud kaayo, mag paabot pa ka’g pila ka minutos aron makuha nimo ang imong gipalit nga tambal kay matanggong sa kahera kay lagi sige ug chikka. 

Pero ang pinakagrabeh sa tanan kay igka ihap nimo sa imong sukli dili completo.  Usahay makulangan sila ug 60 centavos sa ilang mga sukli, ambot lang pero kanang maong kantidara pwede na kaayo na ma puno-puno sa plite.  Daghan na ang mireklamo sa maong parmasya apan wala gihapon sila mag usab. 

Hinaot unta nga ang mga patron aning maong parmasya dili magpaka buta-bungol sa maong kahiwian nga ilang gibuhat.  Kinahanglan nga mureklamo sila og nganong dili kompletohon ang sukli.  Lisod na ang panahon karon, nga bisa’g makakita ka ug 25 centavos sa dalan angay na nimong puniton.

 

Your assurance of genuine drugs, apan dili assured kung kompleto ang imong sukli.

 

Pagka!

Posted by clado | 3 Comments »

Gahapon gi-takda ang pag panghatag na sa amo’ng “uniform” sa umaabot nga event karon’g hapon.  Apan sa wala damha naulahi ko pag-abot(kani laging masangit ‘ta sa trapik sa may eskina Mambaling ug SRP kay walay nag-barog nga CITOM).  Ang gisabutan nga oras sa pag-tigom ug pag-panghatag sa amo’ng sinina kay alas-sais sa hapon, apan naabot na gyud ko ug alas-syete y media sa gabie.  Wala gyud nako makuha ang akong sinina.  Ug nagpasalamat sab diay ko nilang Kevin, Sir Jerry, ug Atty. Ouano nga nag paabot gyud nako.

Nilabay ang pipila ka minuto ug gigutom na ang mga “buotan”.  Nang-hagad na ug kaon si Atty., medyo gikulbaan ko kay ang ako’ng sapi sakto ra pang plite ug pang pungko-pungko.  Maayo nalang ug gi-treat mi ni Atty. Ouano ug ni Sir Jerry sa Abuhan Tres(Salamat sa pakals ;)).

Waiter: Good evening sir, unsa atoang order?

Buotan 1: Uhm, pila ni inyong Garlic Rice…kanang platter?

Waiter: Uhm…255 sir.

Maldito: (kamahal ba diay sa inahosan nga bugas).

Buotan 1: Unswah!? 255?!

Waiter: Aw, dili diay sir…tag kuan diay… (gigutom nasab tingali :P)

Buotan 1: Ah, sige, isa ka order anah, pochero, ug bicol express.

Waiter: Unsa inyong softdrink sir?

Buotan 1: Uhm, coke lang.  Tag pila?

Waiter: Tag 45 ang can.

Buotan 1: Unswah?!

Maldito : (Kamahal naman diay sa de-lata karon)

Buotan 1: Sige, hatagi mi ug upat.

Sa wala pa maabot ang gi-order sa mga “buotan” nag tanaw-tanaw ko sa gawas kay lagi daghan man daw ungo ato nga lugar.  Sakto gyud ang ako nadunggan ug nabasahan, daghan gyud tuod mga ungo ato’ng lugara.  Ang uban nanigarilyo, pero ang kadaghanan kay nangape.  Naa sab daghan nag dit²(date).

Ug naabot na ang pagkaon!

Pagkalami gyud sa bicol express oi!

Halang-halang nga tamis nga ambot lang! (di ba kaha ta almuranason ani sah?).

Samtang nagkaon hangtud nahuman nalang ug kaon, dghan kaayong mga butang ang gipang hisgutan.  Ang ako’ng pinaka ganahan kay ang plano nga negosyo ni Atty. Ouano.  Ang iyang mga target kay ang mga tigulang nga hapon (Japanese).  Nindot ug package ang maong plano nga negosyo.  Di lang nako isulat ang tanang detalye sa panag tabi kay lisod nah, basin sundon unya sa mga nangita ug nag-plano kun unsa ang nindot i-negosyo.  (Budget: 100 Million)

Ug dili lang kana ang amoang gihisgutan, dghan kaayo na mga butang ang amo’ng gituki.

DIi lang sab nako i-detalye kay basi’g lisod nah…hahahaha

PS. Bring back HIMANTAYON

Posted by clado | 11 Comments »

Adunay bagong kamanduan ang LTO - Cebu sa atong mga kaigsuonang nanagiya ug motorsiklo.  Kini ang pag-sulob sa Helmet, Jacket, Shoes(leather), Gloves, ug Pants; sa dili pag-usab sa mga pisa sa motor; ug dapat usa ra ang muangkas. 

Apan daghan sa mga drayber mi tutul sa maong kamanduan, kay lagi kuno wala ta sa Amerika.  Tiaw mu nah, kung mupalit ka ug sardinas sa eskina mag jacket, helmet, sapatos, gloves, ug mag pantalon pa ka kay kun dili, dakpon ka!.  Ug unsaon nalang kun kuyugon nimo imong anak ug asawa, kinsa man ang ibilin?  Dghan kaayong mga pangutana ang mitumaw sa pagpatuman sa maong kamanduan. 

Kung buot huna-hunaon sayon ra ni tumanon apan, naay dako’ng apan, dapat unta ang mga nagtrabaho sa mga agencia sa gobyerno maoy mu una ug mag silbi na ehemplo sa maong kamanduan.  Kalain sab anang attire na kaayo ka sa pag sakay sa motor unya ang mga pulis ug citom wala mag attire.  Mura sab ka ug gisagpa ana oi, ang mga nagpatuman sa kamanduan wala man gani musunod sa kamanduan. :evil: 

Ug unsa man gyud ang isyu? Kaning mga CITOM mikalit lang ug pang-dakop bisan wala pa gyud hingpit gipatuman ang kamanduan ug ang agencia na mu check sa mga motorsiklo kun Road Worthy bah ang maong motorsiklo.  Wala gyud intawn gipangandaman, gdiretso ra ug patuman.

Unsa pug kaha ni ilang plano sah, basi ug sa sunod mag barong na ang mga drayber sa motorsiklo.

Tiaw mu na mag-barong mupalit ug sardinas sa eskina!

pagka!

Posted by clado | 1 Comment »

Sa akong pagtuki sa akong PR (Page Rank) kaganihang buntag, akong nabatyagan nga ang akong PR na botlog(zero) nah.  Ambot ngano naingon ani ni siya, ug ngano naa may gitawag nga PR.

Ang PR mao ni timailhan na ang imong blog/website naka cache sa google.  Ang pamaagi ani kay mukamang ang gitawag ug robot/bot sa google sa imong payag.  Kung taas imo PR pasabot anah kay medyo sikat² imo blog/website?

Ambot lang aning PR oi, hinoon dili ko hangul ani pana usa sab ni sa gahatag ug garbo sa imong payag.  Hambugero diay ko? Pero karon dili na nako ipanghambug ako’ng PR kay tungod gihigop na kini ni daddy google.

Daddy Google, relax lang!

Pagka!

Posted by clado | 2 Comments »

SIGARILYO is DANGEROUS to your HEALTH!

Ambot ug ngano nga daghan man gihapon kaayo ang manigarilyo, kadaghanan baya kay mga batanon.  Sa gawas sa skwelahan, sa mga bar, ug sa mga eskina.  Anaa sab gani na sa ilang kaugalingon’ng tugkaran kay manigarilyo gihapon.  Ang mga ginikanan mismo wala ug dili sab makabadlong kay lagi sila sab utro pud na manigarilyo.

Unsa kahay lingaw anang manigarilyo sah?

(more…)

Posted by clado | 10 Comments »