Ganiha’ng buntag misalmot ang Cebu Bloggers Society sa usa ka kalihokan US Embassy ngadto sa SM Cebu.  Ang mao’ng kalihukan gitawag nila ug US Election Watch 2008.  Nagkadaiyang mga personalidad ang akong nakita, sama nila ni Bobby Nalzaro , Rico Lucena, Marlon Bellita, Mayor Jonas, Rep. Raul Del Mar, Rep. Neressa Soon Ruiz uubp. Ug ang akoan’g gisigihan ug tanaw kay ang mga maniniyot nga nindot kaayo ug mga camera(hmmm…kanusa pa kaha ko makatagiya ug ingon ato na mga camera sah?).

(more…)

Posted by clado | 21 Comments »

Gahapon gi-takda ang pag panghatag na sa amo’ng “uniform” sa umaabot nga event karon’g hapon.  Apan sa wala damha naulahi ko pag-abot(kani laging masangit ‘ta sa trapik sa may eskina Mambaling ug SRP kay walay nag-barog nga CITOM).  Ang gisabutan nga oras sa pag-tigom ug pag-panghatag sa amo’ng sinina kay alas-sais sa hapon, apan naabot na gyud ko ug alas-syete y media sa gabie.  Wala gyud nako makuha ang akong sinina.  Ug nagpasalamat sab diay ko nilang Kevin, Sir Jerry, ug Atty. Ouano nga nag paabot gyud nako.

Nilabay ang pipila ka minuto ug gigutom na ang mga “buotan”.  Nang-hagad na ug kaon si Atty., medyo gikulbaan ko kay ang ako’ng sapi sakto ra pang plite ug pang pungko-pungko.  Maayo nalang ug gi-treat mi ni Atty. Ouano ug ni Sir Jerry sa Abuhan Tres(Salamat sa pakals ;)).

Waiter: Good evening sir, unsa atoang order?

Buotan 1: Uhm, pila ni inyong Garlic Rice…kanang platter?

Waiter: Uhm…255 sir.

Maldito: (kamahal ba diay sa inahosan nga bugas).

Buotan 1: Unswah!? 255?!

Waiter: Aw, dili diay sir…tag kuan diay… (gigutom nasab tingali :P)

Buotan 1: Ah, sige, isa ka order anah, pochero, ug bicol express.

Waiter: Unsa inyong softdrink sir?

Buotan 1: Uhm, coke lang.  Tag pila?

Waiter: Tag 45 ang can.

Buotan 1: Unswah?!

Maldito : (Kamahal naman diay sa de-lata karon)

Buotan 1: Sige, hatagi mi ug upat.

Sa wala pa maabot ang gi-order sa mga “buotan” nag tanaw-tanaw ko sa gawas kay lagi daghan man daw ungo ato nga lugar.  Sakto gyud ang ako nadunggan ug nabasahan, daghan gyud tuod mga ungo ato’ng lugara.  Ang uban nanigarilyo, pero ang kadaghanan kay nangape.  Naa sab daghan nag dit²(date).

Ug naabot na ang pagkaon!

Pagkalami gyud sa bicol express oi!

Halang-halang nga tamis nga ambot lang! (di ba kaha ta almuranason ani sah?).

Samtang nagkaon hangtud nahuman nalang ug kaon, dghan kaayong mga butang ang gipang hisgutan.  Ang ako’ng pinaka ganahan kay ang plano nga negosyo ni Atty. Ouano.  Ang iyang mga target kay ang mga tigulang nga hapon (Japanese).  Nindot ug package ang maong plano nga negosyo.  Di lang nako isulat ang tanang detalye sa panag tabi kay lisod nah, basin sundon unya sa mga nangita ug nag-plano kun unsa ang nindot i-negosyo.  (Budget: 100 Million)

Ug dili lang kana ang amoang gihisgutan, dghan kaayo na mga butang ang amo’ng gituki.

DIi lang sab nako i-detalye kay basi’g lisod nah…hahahaha

PS. Bring back HIMANTAYON

Posted by clado | 11 Comments »

Karon na gyud ang akon gipaabot nga screening sa Confessional.  Pero una ko muadto sa SM para mtnaw, muadto sa ko sa Fuente Osmeña para mutan.aw or muapil tingali sa rally batok ni Gloria Arroyo.  Angay na gyud munaog si arroyo sa katungdanan kay tungod wala nay ayo iyang pagduma sa atong nasod.  Rampant na kaau ang corruption sa pinas, tiaw muna nga ang 20% commission on all government project kay standard operation procedure nah.  Pagkapait pamalandungon na ingon anah ka salbahis ang mga tao nga naa sa katungdanan.  Sila man unta ang imahe sa kaayuhan sila man hinoon ang nagpakita sa mga sinalbahis na buluhaton. 

 Consinsya nalang ni arroyo, pero matud niya igka 2010 pa gyud siya munaog . Saon nalang ni nato nga mga lumulupyo sa Pilipinas.  Angay  gyud na palagputon na siya sa iyang posisyon karon dayon ug dili ugma.  Kontra na kaau ko aning kagrabe sa corruption, kung buot huna-hunaon, ang ilang gipanggasto sa ilang mga luho kay kwarta sa mga pinoy.  Kinsa may angay malipay ana bah, mura ra ka ug gikawatan sa imong atubangan.

Dili na ta angay magpa buta- bungol sa mga panghitabo karon.  Kita ra gihapon ang luoy, ug ra usab ang alaot aning mga panghitabo sa atong nasud.  Bilib sad gyud ko ni probinsyanong insik tungod sa iyang katakos ug kaisog na ibulgar tanang sekreto sa kagamhanan.  Iya gyud gipakita ang angay makit.an sa mga tao bahin sa kawalay batasan ug kasalbahis sa administrasyong arroyo.

Kung pwede palang na lahing nasud ang Cebu, nindot unta kaau ang dagan sa atong ekonomiya.  Sa import ug export nalang nato daan kay nindot kaau ang mga resulta.  Sa IT industry lupigon na tingali ang mga taga Manila.  Sa pagdala ug pagdumala ni Mayor Tomas Osmeña, walay mkalupig ug walay makatupong sa iyang dakong plano sa syudad sa sugbo.

Pagmatngon na intawn mu FG, ug GMA ug si kinsa pa nga involve ani nga corruption sa gobyerno.  Dili intawn madala ang kwarta sa lubnganan, sa abo ta gikan ug sa abo ra sad ta tanan padulong.  Maypa ug inyo nalang na i-donate sa mga charitable institution ug mpasidunggan pa mu sa inyong maayong buluhatan.  Pagbago na intawn mu oi.

Pagka!

Posted by clado | 6 Comments »