Dahong Laya kalaay | kalipay | kasakit | kaguol

Ambot lang!

Daghan nga panghitabo nga makapadecidir sa usa ka tao nga buhaton ang usa ka butang aron lang siya makalingkawas sa mao nga sitwasyon sa iyang kinabuhi.  Daghan pud nga mga butang ang kinahanglan huna-hunaon una buhaton ang mao nga butang.

Lisod gyud tuod siya pero kinahanglan aron sa kaayohan sa kaugalingon.  Dili basta-basta ingon ana ka sayon kung buot lang huna-hunaon apan kung magmalampuson ka sama ka sa usa ka langgam nga nakabuhi sa halwa.

Ambot lang og kung unsa ni akong gipang yaw-yaw dinhi.

Pagka!

Sa Hunahuna Lang

Nakahinumdom lang ako sa nahisgotan namu sa ako’ng suod nga higala.  Samtang nagtambay kami sa usa ka dapit, nga ang mga tao nagpakahubog sa ilang gi-inom nga nagkadaiyang matang nga kape, anaa kami nakita nga duha ka manag trato.  Daw nag-ginaksanay ug nag-ginunitay sa kamot daw mura’g wala nay mabatyagan nga kaugmaon, naka huna-huna kami nga pagkangilngig gyod diay aning gitawag nila nga gugma.

Kung huna-hunaon man gani nimo daghan ang nalipay, naghilak, nasakitan o di ba kaha namatay o nagpakamatay tungod aning gitawag nila nga gugma.  Apan unsa man gyod ang naa sa gugma nga ang mga tao nga nalambigit niini daw dili makaikyas sa “gahom” sa gugma (pagka igat).

Ang Pagbuhi

Matud pa sa akong migo nga iya na daw buhian o i-“let go” ang tao nga iyang gihigugma og bahala na nga masakitan siya. Daw sama sa usa ka bata nga natagak sa usa ka punona sa usa ka kahoy. Nakapangutana ako kung unsa nga higayon nga nasusama siya sa bata nga natagak sa kahoy. Segun niya nga kung matagak daw sa kahoy kay ka-usa ra ang sakit. Mao ra pud daw kini sa pag let go sa usa ka tao nga gihigugma nimo og imung gihandum sa matag adlaw ug nanghinaut nga ma imoha sa saktong panahon.