Dahong Laya kalaay | kalipay | kasakit | kaguol

26Oct/0819

Cabulan Island

Short place name information

Location Name Type

Alternative Name:

Cabulan Island

Name Type:

Native

Area / State:

Bohol

Coordinates & Location Type

Area Type:

Hypsographic

Location Type:

Island

Latitude:

10.1575

Longitude:

124.0433

Latitude (DMS):

10° 9' 27 N

Longitude (DMS):

124° 2' 36 E

Ang isla sa cabulan nahimutang tunga sa Cebu ug sa Bohol. Kung sa Marigondon ka manukad mga 30 - 45 mins ang biyahe, apan kung sa Pasil ka manukad maabtan gyud ug usa hangtud sa usa ug tunga ka oras ang byahe. Ang panginabuhi sa mga tao sa mao nga isla kay ang pag-pangisda ug ang shell craft, adunay duha ka barangay ug usa ka eskwelahan. Ang Cabulan Island pwede ra nimo matuyok sulod sa pipila lamang ka oras na pag-lakaw. Gamay ra gyud kini ug kuyaw lamyon sa dagat kung mag taob.

Sa pag-dunggo namo sa mao nga isla makita na nimo ang kalisod ug ang ka-ihas sa mga tao na wala pa nakapatong sa ciudad. Pasalamat sab mi ni Mam Alice ang usa sa barangay captain sa maon'g isla, ug ang nag libre namu sa plite paingon ug pabalik. Tungod niana amu nakita ang kahimtang sa maon'g isla.

Sa ako pag-susi, ang gigikanan sa ilang tubig kay usa ka tabay. Sa maong tabay dili tabang ang tubig, parat siya ug dili ingon ana ka limpyo. Ang ila usab kuryente kay solar powered o generator ang gigikanan. Nangutana ko sa usa ka lumulupyo sa mao nga dapit bahin sa pamaagi sa pag-bayad sa ilang kuryente, medyo nakurat ko sa iya nga tubag. Alas singko hangtud sa alas-onse sa gabie, ang usa ka suga (flourescent o bombilya) nagkantidad ug 25 pesos, ug ang telebisyon kay 30 pesos. Mahal gyud kung buot huna-hunaon, apan wala silay mabuhat kay tungod mao ra gyud ug wala nay lain kakuhaan ug kuryente.

Ang mga lumulupyo sa Cabulan Island naanad na sa ilang kahimtang. Kung walay trabaho mag-majong, matulog, mag-istoryahanay, ug maghimo ug bata. Uu, sakto inyo nabasa, mag-himo ug bata. Matud pa sa usa ka lumulupyo ngadto na akon'g nahinabi, kung mag disco ang mga bata mura'g langaw na mag-tapok ug mananaw sa ilang mga ginikanan nga mag-bayle. Walay family planning ang mga tao ngadto. Suma, kung sayo sa gabie laay ug walay kuryente, ngit-ngit ug bugnaw, wala na gyud kay lain mahuna-hunaan.

Ambot lang kaha kung ang mayor sa Cebu o ang mayor sa Bohol nakabisita na sa maon'g dapit ug nakita ilang kahimtang. Lisod gyud ang kahimtang, kung walay panagat walay kaon.

Hinaut ila kini na makitan, ang gamay'ng isla sa Cabulan.

Comments (19) Trackbacks (1)
  1. bravo!!! ang akong nakita nga side sa cabul-an kay nindot man.. hinuon, kay amo silingan kapitan man sa usa sa mga brgy dha….. ana man jd nang mga isla sa bohol… dli lang ang cabul-an… ang calituban, nasingin ug uban pang isla… mao jd nay paagi sa kuryente ug panginabuhi nila.. sweto kay ko sah? cge man kog laroy2x sa mga isla… haha.. abot kog bagong banua ug handayan/…ahehehe

    Reply

  2. tga cabulan pod ko pero dugay nko deri sa manila mga 12yrs na karon lang ko nakapagsearch s atong lugar. tinuod luoy kaayo. mangutana ko ok b s inyo mga nkabsa ini nga tga cabulan, maghimo ta ug grupo nga mohimo ug article para mapansin ang atong isla.? kahibalo man ko nga naay daghan nga mga profesional nga taga atoa pero wala pay nahimo solusyon sa dugay n nato nga problema. manghinaot ko nga naay makmtikot ining akong comment.

    Reply

  3. i love cabul.an so much,,!!very!very!very nice place..!!from:jonna pilotos

    Reply

  4. Excellence!!!s Cebuano blogger.tinuod nga lisod ang kahimtang sa mao nga isla…of course menos ang panginabuhi-an ky dagat ra ang tinubdan sa ila nga income.naa unta resort apan naopao ang bas kay gipanguha ug gipamutang sa mga inilang beach resort sa silingang dapit,nga usa sa makapadugang sa ilang income.ug ang paagi sa kuryante sus…kun sa panultihan pa..The rich get richer,the poor gets poorer.ky mahal jud.tungod ky gi-monopoly man sa mga leader sa isla.

    Reply

    Salmo Reply:

    Ngadto ko gipanganak ug gadako sa cabul-an. Both of my parents are natives of the island. They were the pioneer of a baptist church and childrens school in the island. Ngadto ko ni graduate ug preschool and elementary. Pretty much, my older brothers and sisters too. Malipayon man amung kahimtang and experienced sa lugar. Now, we’re all living in the states except sa akong amahan. He passed away 10yrs ago and his last well was to burry him to where our family started. My home island. I love and i miss the place so much. I can’t wait to have a family reunion and have a variety of seafood.

    Reply

  5. I am searching on my childhood friend from this Island, her name is Glomera Damgo. I meet her in Cebu Institute Of Technology in 1962, her father is one of the Barangay Captain on that time. Any natives from the Island knows Damgo families please send me a message at “fredyap1@yahoo.com”. My name is Fred Yap.

    Reply

  6. Lindot kay suroyan sa isla sa Cabul-an. Ang ganahan nako sa klima didto kay ang kaayahay sa hangin, nga usahay mokalit lang ug alindanga.
    Wala tuod silay karsada, apan mao kini ang nakapasamot kaanindot kay maganahan ka ug laroy-laroy ug moyatak-yatak sa maong mga balas, it reminds me of Boracay Island.
    Sa may Western Cabul-an, kung diin si tiya Daling namoyo, naanad nako nga wala silay kuryente, apan wala kini mahimong babag sa kalingaw nako didto. Peaceful kaayo ang maong lugar, ug ang mga tao didto maayong motratar sa mga langyaw. Mapinanggaon kaayo sila didto, kung mahimo pa man gani dad-on ka sa ilang panimalay haron mangaon mo ug lab-as nga isda nga sama sa Nokos, o kinason baron kaha nga sama sa Wasay-wasay, hoooooohh kalami baya oi.
    Ang ako lang kagul-an didto kay di pwedi makatag-iya ug yuta ang mga lumulupyo didto, kono inogbukan lang. Unta pud tagaan kini ug pagtagad sa mga naa sa Gobyerno kay katungod kini sa mga taga didto.
    Karon nga hapit nasad ang pista didto, pitsa Mayo 26-27, dili jud nako palabyon ang higayon ang pagluling hayaw nasad ngadto.
    Pinangga kay nako ang isla sa Cabul-an susama sa iyang pagdawat ug pagpangga kanako.
    suroy unya mo didto! di mo magmahay! ;-)

    Reply


Leave a comment