Dahong Laya kalaay | kalipay | kasakit | kaguol

BesPren

Dato ka man o nagkalisud sa kinabuhi dili g’yud kalikayan nga makahimamat ka og usa ka tao nga makahatag nimu og kalipay, ug anaa pirmi sa imung kiliran kung aduna kay mga problema nga gi-atubang. Wala man tuod nimu damha nga kini sila muabot mao nga usahay makapangutana ka kung unsa ilang papel sa imung kinabuhi. Wala man gani tuod kita manganduy nga muabot sila. Daw mura sila’g mga yelo sa panahon nga init ang ato’ng mga ulo, ug kainit sama sa usa ka dakong gakos sa panahon nga ikaw nagmagulanon ug nag inusara. Sa laktod nga pagkaistory, anaa sila pirmi para kanimo.